Mae llawer o waith Plant yng Nghymru yn golygu hyrwyddo datblygu polisi ac ymarfer. ‘Rydym yn cynnal sbectrwm cyfan o weithgareddau yn hyrwyddo datblygu polisi ac arfer ledled ystod o feysydd.

Ein Cyhoeddiadau

• Gweithio Tuag at Strategaeth Diogelwch Plant, Ebrill 2009 – Mae Plant yng Nghymru yn arwain y gwaith o ddatblygu’r Strategaeth Diogelwch Plant ar gyfer Cymru, sy’n anelu at atal marwolaethau a lleihau anafiadau anfwriadol ymysg plant a phobl ifanc.  
• Tlodi Plant ac Allgàu Cymdeithasol yn y Gymru Wledig – Mae’r adroddiad hwn, a gyhoeddwyd ym mis Hydref, 2009, yn amlygu amryw o ffyrdd y mae plant a phobl ifanc, sy’n byw ar aelwydydd incwm isel neu ar fudd-daliadau yng nghefn gwlad Cymru yn cael eu hallgàu o wasanaethau sydd ar gael i’w cyfoeswyr sy’n byw mewn ardaloedd trefol.
• Cynnwys Tadau mewn Gwasanaethau Blynyddoedd Cynnar: Arfer Cadarnhaol ar gyfer Gweithwyr Proffesiynol.  Fe lansiwyd y llyfryn hwn gan Plant yng Nghymru ym mis Hydref, 2008, ac mae’n darparu ystod o gyngor i gynorthwyo gwasanaethau blynyddoedd cynnar i gynnwys tadau yn eu gwasanaethau.               
• Teuluoedd nid Ardaloedd sy’n Dioddef Anfantais Cefn Gwlad, Ebrill 2008.  ‘Roedd yr adroddiad hwn yn ganlyniad ymchwil yn ystyried y problemau mae teuluoedd cefn gwlad yn eu hwynebu, a ffyrdd effeithiol o gyflenwi gwasanaethau iddynt.  Mae’n amlygu rhai o’r materion allweddol sy’n peri anfantais i deuluoedd yng nghefn gwlad Cymru.  Mae’r rhain yn cynnwys problemau i gael at gludiant, prinder gwasanaethau a chyfleoedd hamdden a phrinder tai fforddiadwy.    
• Cymorth wrth Law, Hydref 2007 – Fe gyhoeddodd Plant yng Nghymru, mewn partneriaeth â Llywodraeth Cynulliad Cymru ac aelodau Cynghrair ‘Sdim Curo Plant!, lyfryn i hyrwyddo dulliau eraill yn lle cosbi corfforol yn hydref, 2007.  Mae’r llyfryn, Cymorth wrth Law, ers hynny wedi’i ddosbarthu gan ymwelwyr iechyd a Gwasanaethau Gwybodaeth i Blant i bob rhiant newydd yng Nghymru.  Mae’n annog rhieni i ddefnyddio dulliau di-drais i ddisgyblu’u plant ac i annog ymddygiad da.                                                                                  
• Lansio ‘Cymru Addas ar gyfer Plant a Phobl Ifanc’, Mai 2007 - Fe lansiodd Plant yng Nghymru ‘Cymru Addas ar gyfer Plant a Phobl Ifanc’ ym mis Mai, 2007.  Fe wnaeth y ddogfen herio gwleidyddion i roi sylw i’r materion cyffredinol y mae’n haelodau’n credu sydd angen sylw, er mwyn gwella bywydau plant a phobl ifanc sy’n byw yng Nghymru.  Fe wnaeth y lansio gyd-daro â’r trydydd etholiad i Gynulliad Cenedlaethol Cymru.