Mae Plant yng Nghymru’n gweithio’n ddiflino i godi ymwybyddiaeth y cyhoedd a gweithwyr proffesiynol o’r problemau sy’n effeithio ar blant a phobl ifanc yng Nghymru a ffyrdd y gellir gwella’u bywydau, fel ei gilydd. ‘Rydym yn gwneud hyn mewn ystod o ffyrdd.

Cynadleddau, Seminarau a Gweithdai                                                

Mae Plant yng Nghymru yn trefnu ystod o gynadleddau, seminarau a gweithdai.  Mae’r rhain yn cynnwys ein Cynadleddau Blynyddol sy’n cyfarparu llunwyr polisi ac ymarferwyr ledled yr holl ddisgyblaethau yn y sector plant a phobl ifanc yng Nghymru gyda’r wybodaeth hanfodol ddiweddaraf a wna gymorth eu gwaith.  ‘Rydym hefyd wedi cyd-gynnal digwyddiadau ar lefel ryngwladol, yn nodedig:                                                                                   

• Fforwm Byd 2008, a gyd-gynhaliwyd gyda’r Fforwm Rhyngwladol dros Les Plant yng Nghaerdydd ym mis Medi, 2008.  Gan gael ei mynychu gan fwy na 300 o gynrychiolwyr o 30 o wahanol wledydd ledled y byd, fe wnaeth y gynhadledd ryngwladol fawr hon alluogi arbenigwyr plant i gyfnewid arferion da ar faterion yn ymwneud ag Ymyrraeth Gynnar.
• Hawliau ar Waith 2003 – ‘Roedd Plant yng Nghymru yn bartner sylweddol gyda’r gwaith o gynllunio a darparu’r Gyngres Ryngwladol 1af o Bobl Anabl Ifanc.  Fe wnaeth y digwyddiad dynnu ynghyd 95 o bobl anabl ifanc fel cynrychiolwyr o fwy na 35 o wahanol wledydd o amgylch y byd, i ddysgu am eu hawliau fel yr ymgorfforir hwy yng Nghonfensiwn y Cenhedloedd Unedig ar Hawliau’r Plentyn a’r Model Cymdeithasol o Anabledd.

Hyfforddiant                                                                                                           

Mae Plant yng Nghymru yn darparu ystod o gyrsiau hyfforddi amlddisgyblaethol, sy’n hyrwyddo ymagweddiad integredig ar gyfer pawb sy’n gweithio yn y sectorau statudol, gwirfoddol ac annibynnol.  Mae’r cyrsiau’n gwneud defnydd o’r adnoddau sydd gan ein tîm o staff arbenigol ni’n hunain a rhwydwaith cenedlaethol o unigolion a sefydliadau arbenigol, i gyflenwi hyfforddiant o ansawdd uchel ledled Cymru.  Mae’n rhaglen hyfforddi yn parhau i dyfu.