Y mae Plant yng Nghymru yn darparu ystod o wybodaeth am ymgynghoriadau, dogfennau a deddfwriaeth sy’n effeithio ar blant a phobl ifanc yng Nghymru. Fe ddarperir yr wybodaeth hon drwy adran bolisi’r wefan hon a thrwy gyfrwng gwasanaeth e-gyfarwyddiadau misol. Y mae’r gwasanaeth e-gyfarwyddiadau ar gael i aelodau ac y mae mwy o wybodaeth am sut i dderbyn yr e-gyfarwyddiadau ar gael yn yr adran Polisi.
Fe ddarperir yr wybodaeth am bolisi ar y wefan hon drwy bartneriaeth rhwng Plant yng Nghymru a’r sefydliadau ymbarél cyfatebol dros blant yn Lloegr, yr Alban a Gogledd Iwerddon. Y mae’r bartneriaeth hon, Rhwydwaith Polisi Plant y 4 Cenedl, yn galluogi’r sawl sy’n gweithio gyda phlant a phobl ifanc i gael at wybodaeth am bolisi drwy bedair gwefan gysylltiedig. Y mae adran bolisi’r wefan hon felly yn darparu dolenni cyswllt â’r gwefannau yn y tair cenedl arall ac y mae hefyd yn cynnwys porthiannau o’r newyddion diweddaraf o’r cenhedloedd hynny. Fe all defnyddwyr hefyd gofrestru i dderbyn bwletin e-bost Prydeinig misol sy’n darparu’r wybodaeth ddiweddaraf am bolisïau plant o ledled cyfundrefn wleidyddol y Deyrnas Gyfunol.