Mae’r Dirprwy Weinidog dros Sgiliau, John Griffiths, wedi cyhoeddi cynllun newydd werth £32 miliwn ar gyfer pobl ifanc sy'n debygol o adael yr ysgol neu o roi'r gorau i'w cyrsiau addysg.

Bydd YMGYSYLLTU, menter gan Awdurdodau Lleol a cholegau Addysg Bellach, yn targedu pobl ifanc rhwng 14 a 16 oed sy'n wynebu anawsterau, er enghraifft, rhai sy'n tangyflawni neu'n absennol o'r ysgol. Bydd hefyd yn rhoi sylw i bobl ifanc rhwng 16 a 19 oed sydd eisoes yn dilyn cyrsiau coleg ond sy'n debygol o roi'r gorau iddi.

Bydd y Cynllun, sydd yn cael ei arwain gan Gyngor Castell-nedd Port Talbot Council ar y cyd â Chynghorau Abertawe,Sir Benfro,Ceredigion a Sir Gaerfyrddin, yn defnyddio technegau yn cynnwys mentora a hyfforddi, gweithgareddau yn y gymuned, chwaraeon a help gan hyfforddwyr arbenigol i ddatblygu deallusrwydd emosiynol i ennyn diddordeb a hyder pobl ifanc.

Mae rhagor o wybodaeth ar gael ar wefan Llywodraeth Cynulliad Cymru.