Mae Llywodraeth Cynulliad Cymru wedi cyhoeddi prosiect peilot newydd i helpu teuluoedd â phlant anabl i hawlio’r budd-daliadau y mae gyda nhw’r hawl iddynt.

Dros y ddwy flynedd nesaf bydd y cynllun peilot gwerth £500,000 yn edrych ar y ffyrdd gorau o gynyddu incwm teuluoedd â phlant anabl.

Bydd Cyngor ar Bopeth Cymru yn cydweithio’n agos â mudiadau anabledd i sicrhau bod cyngor arbenigol addas ar gael i deuluoedd â phlant anabl.

Mae rhagor o wybodaeth ar gael ar wefan Llywodraeth Cynulliad Cymru.