Mae GwirVol, sydd wedi’i gynllunio i gynyddu nifer y bobl ifanc sy’n cymryd rhan mewn gweithgareddau gwirfoddoli yng Nghymru, wedi ei lansio yn swyddogol.

Menter yw GwirVol sydd wedi’i ffurfio ar sail partneriaeth rhwng ugain o sefydliadau o’r sectorau gwirfoddol, cymunedol, cyhoeddus a phreifat o Gymru. Cyngor Gweithredu Gwirfoddol Cymru fydd yn gweinyddu’r cynllun.

Nod y cynllun yw ei gwneud hi’n haws i bobl ifanc ddod o hyd i gyfleoedd gwirfoddoli.  Mae’n gwneud hynny trwy greu porth sydd wedi’i gynllunio’n arbennig i bobl ifanc a sefydliadau sy’n cynnig cyfleoedd gwirfoddoli yn ogystal â defnyddio gwasanaethau cynghorwyr Gwirfoddoli Pobl Ifanc ar hyd a lled Cymru; targedu cyngor, hyfforddiant a chyfleoedd i wneud cais am grantiau; cynyddu’r cyfleoedd gwirfoddoli sydd ar gael gan gynnwys y bobl ifanc hynny sy’n wynebu rhwystrau fel anfanteision, galluoedd ac ethnigrwydd.

Mae rhagor o wybodaeth ar gael ar wefan GwirVol.