Yr Ystadegau Cenedlaethol diweddaraf ar iechyd gofalwyr a gynhyrchwyd gan Lywodraeth Cynulliad Cymru.

Dyma’r prif bwyntiau o’r bwletin diweddaraf:

• Ymhlith oedolion iau (16-44 oed) roedd gofalwyr yn fwy tebygol na phobl o’r un oedran heb gyfrifoldeb gofalu i nodi eu bod yn cael eu trin am afiechydon penodol (yn enwedig salwch meddwl). Roedd y gyfran a oedd yn nodi bod ganddynt salwch cyfyngus hirdymor hefyd yn uwch i’r rhai oedd yn gofalu. Ymhlith oedolion hŷn, nid oedd llawer o wahaniaeth rhwng gofalwyr a phobl nad oedd yn gofalu.
• Roedd oedolion iau (16-44 oed) a oedd yn ofalwyr, yn fwy tebygol na phobl heb gyfrifoldebau gofalu i nodi eu bod yn ysmygu. Nid oedd llawer o wahaniaeth ar gyfer oedolion hŷn . Roedd gofalwyr yn fwy tebygol na phobl heb gyfrifoldebau gofalu i nodi eu bod yn bwyta o leiaf pump neu ragor o ffrwythau a llysiau y diwrnod cynt, a’u bod yn bodloni’r canllawiau ar gyfer gweithgareddau corfforol yr wythnos gynt. Nid oedd y gwahaniaethau yma i gyd yn arwyddocaol yn ystadegol.
• Roedd oedolion iau (16-44 oed) a oedd yn ofalwyr yn fwy tebygol na phobl heb gyfrifoldebau gofalu i sôn eu bod wedi bod at eu meddyg teulu yn y pythefnos diwethaf. Nid oedd llawer o wahaniaeth ymhlith oedolion hŷn.
• Ymhlith oedolion iau (16-44 oed), roedd patrwm i’w weld bod cyflwr meddwl gofalwyr yn dirywio po fwyaf oedd y baich gofalu, er hynny ni welwyd yr un patrwm ar gyfer oedolion hŷn (65 oed a throsodd).

Mae rhagor o wybodaeth ar gael ar wefan Llywodraeth Cynulliad Cymru.