Yr Ystadegau Gwladol diweddaraf am blant sydd ar gofrestrau amddiffyn plant yng Nghymru, a gynhyrchir gan Yr Uned Ddata Llywodraeth Leol ~ Cymru.

Prif ganfyddiadau ar gyfer y flwyddyn a ddaeth i ben ar 31 Mawrth 2009:

• Roedd 2,510 o blant ar gofrestrau amddiffyn plant (gan gynnwys plant heb eu geni) ar 31 Mawrth 2009. Mae hyn yn gynnydd o 190 neu 8% o’r 2,320 ar 31 Mawrth 2008. Mae hyn yn cynrychioli graddfa o 40 plentyn i bob 10,000 o’r boblogaeth dan 18 oed.
• Roedd y cofrestrau’n cynnwys 1,265 o fechgyn, 1,235 o ferched a 10 o blant heb eu geni ar 31 Mawrth 2009. Roedd cyfran uchel o’r plant ar gofrestrau amddiffyn plant yn un i bedwar oed (32%). Roedd nifer y bechgyn yn fwy na nifer y merched yn y grŵp oedran hwn.
• Nodwyd y nifer uchaf o gofrestriadau yn y categorïau sy'n ymwneud ag esgeulustod (48%). Dyma’r categori o gamdriniaeth a gafodd ei nodi’n fwy aml nag unrhyw gategori arall o gamdriniaeth, (nodwch ei bod yn bosibl nodi mwy nag un categori o gamdriniaeth).
• Y categori isaf o gamdriniaeth oedd camdriniaeth rywiol. Cafodd ei nodi mewn 9% o’r cofrestriadau, (nodwch ei bod yn bosibl nodi mwy nag un categori o gamdriniaeth).
• Fe ychwanegwyd 3,060 o blant at gofrestrau yn ystod y flwyddyn a ddaeth i ben ar 31 Mawrth 2009, cynnydd o 3% o’r flwyddyn flaenorol. Disgynnodd nifer y plant a dynnwyd oddi ar y cofrestrau 2% i 2,900 yn ystod y flwyddyn.

Mae rhagor o wybodaeth ar gael ar wefan Llywodraeth Cynulliad Cymru.