Mae adroddiad y cydarolygiad hwn a gyhoeddwyd gan Y Comisiwn Ansawdd Gofal, Arolygiaeth Prawf Ei Mawrhydi, Arolygiaeth Gofal Iechyd Cymru ac Estyn, yn ail-bwysleisio’r cysylltiad hysbys rhwng camddefnyddio alcohol a phroblemau iechyd, tangyflawniad yn yr ysgol ac ymddygiad troseddol.  

Mae’n adrodd bod Timau Troseddau Ieuenctid yn ddigon ymwybodol o’r cysylltiad hwn a’u bod yn cynnig adnoddau iechyd sylweddol ac effeithiol ble mae camddefnyddio alcohol yn cael ei weld yn ymwneud yn uniongyrchol â throseddu.  Ond fe ganfuwyd gormod o anghysondebau yn ansawdd yr asesiadau ledled Cymru a Lloegr, gan awgrymu bod plant a phobl ifanc sy’n camddefnyddio alcohol yn gorfod gwneud heb y cymorth priodol ar adegau.  Mae’r adroddiad yn galw am i’r holl blant a phobl ifanc sy’n dod i gysylltiad â Thimau Troseddau Ieuenctid dderbyn asesiad iechyd wedi’i ddilysu’n genedlaethol gan weithiwr iechyd proffesiynol neu weithiwr achos sydd â hyfforddiant iechyd i sicrhau bod yr ymyriadau priodol yn cael eu cynnig.

Mae’r adroddiad ar gael i’w lawrlwytho oddi ar wefan Y Comisiwn Ansawdd Gofal.