Mae Keith Towler, Comisiynydd Plant Cymru, wedi lansio adroddiad ar ofalwyr ifanc yng Nghymru a ysgrifennwyd ganddyn nhw eu hunain.

Bywyd Llawn Gofal yw ffrwyth gwaith ymchwil cenedlaethol uchelgeisiol a wnaed gan Ofalwyr Powys ar ran Comisiynydd Plant Cymru.

Bu tîm y prosiect, dan arweiniad rhai sydd eu hunain yn ofalwyr ifanc, yn casglu barn a safbwyntiau gan 19 o’r 22 prosiect gofalwyr ifanc yng Nghymru er mwyn dod o hyd i’r prif rwystrau mae gofalwyr ifanc yn eu hwynebu o ran gwireddu eu hawliau, a gyflwynwyd yng Nghonfensiwn y Cenhedloedd Unedig ar Hawliau’r Plentyn, gan gynnwys eu hawl i addysg, i ymlacio a chwarae, ac i gael parchu eu barn.

Dyma rai o’r canfyddiadau allweddol:

• Roedd 37% o ofalwyr ifanc yn teimlo nad oedd eraill yn parchu eu barn
• Roedd 52% wedi teimlo eu bod nhw’n methu ymdopi yn ystod yr wythnos ddiwethaf
• Nid oedd 73% o’r rhai oedd yn gweinyddu meddyginiaeth erioed wedi derbyn unrhyw hyfforddiant

Fe ellir lawrlwytho’r adroddiad oddi ar wefan Comisiynydd Plant Cymru.