Mae Panel yr Adolygiad Cyfiawnder Teuluol wedi lansio Galwad am Dystiolaeth.

Mae’r Panel yn dymuno clywed oddi wrth blant, teuluoedd, gweithwyr proffesiynol a grwpiau cynrychiadol sy’n gysylltiedig â’r system cyfiawnder teuluol.

Fe fydd yr Adolygiad yn edrych ar achosion Cyfraith Gyhoeddus a Chyfraith Breifat.  Mewn Cyfraith Gyhoeddus, mae hyn yn golygu edrych ar sut mae’r llysoedd, gydag asiantaethau eraill, yn rheoli achosion yn ymwneud â phlant a’r system gofal cyhoeddus.  Mewn Cyfraith Breifat, mae hyn yn golygu edrych ar anghydfodau yn ymwneud â chysylltiad a phreswylio rhwng aelodau teulu, ac fe fydd yn cynnwys ystyried sut i gynyddu’r defnydd o gyfryngu pan fydd cyplau yn chwalu, a pha ffordd yw’r orau i ddarparu mwy o hawliau ‘hawl ymweld’ ar gyfer rhieni dibreswyl a theidiau a neiniau. 

Fe ddylid cyflwyno ymatebion i’r Weinyddiaeth Cyfiawnder drwy gyfrwng holiadur ar-lein neu drwy e-bost i familyjusticereview@justice.gsi.gov.uk. erbyn dydd Iau, y 30ain o Fedi, 2010.

Lawrlwythwch yr alwad am dystiolaeth.

Mae rhagor o wybodaeth am yr Adolygiad Cyfiawnder Teuluol ar gael ar wefan y Weinyddiaeth Cyfiawnder .