Diwedd yr ymgynghoriad: 08/03/10
Mae Pwyllgor Deddfwriaeth Rhif 5 Cynulliad Cenedlaethol Cymru yn galw am dystiolaeth am dystiolaeth er mwyn helpu i ystyried y Mesur Arfaethedig ynghylch Strategaeth ar gyfer Gofalwyr (Cymru).
Os caiff ei gymeradwyo, bydd y mesur arfaethedig yn rhoi’r cyfrifoldeb ar awdurdodau i roi gwybod i ofalwyr am yr hawliau a’r budd-daliadau y mae ganddynt hawl iddynt, a byddai’n sicrhau bod awdurdodau’n cynnwys gofalwyr wrth benderfynu pa wasanaethau i’w cynnig iddynt neu i’r person y maent yn gofalu amdano.
Gall unrhyw un sy’n dymuno cyflwyno tystiolaeth i’r Pwyllgor anfon e-bost at glerc y pwyllgor ar legislationoffice@cymru.gsi.gov.uk neu drwy’r post at: Clerc y Pwyllgor, Pwyllgor Deddfwriaeth Rhif 5, Cynulliad Cenedlaethol Cymru, Bae Caerdydd, Caerdydd, CF99 1NA.