Yn dilyn y refferendwm ynghylch pwerau i ddeddfu ym mis Mawrth 2011, mae Cynulliad Cenedlaethol Cymru bellach yn gallu gwneud deddfwriaeth ar ffurf deddfau ar y mwyafrif o faterion yn yr 20 maes sydd wedi eu datganoli iddo, sef:

1.    Amaethyddiaeth, pysgodfeydd, coedwigaeth a datblygiad gwledig
2.     Tai
3.     Henebion ac adeiladau hanesyddol
4.     Llywodraeth leol
5.     Diwylliant
6.     Cynulliad Cenedlaethol Cymru
7.     Datblygiad economaidd
8.     Gweinyddiaeth gyhoeddus
9.     Addysg a hyfforddiant
10.   Lles cymdeithasol
11.   Yr amgylchedd
12.   Chwaraeon a hamdden
13.   Gwasanaethau tac achub a hyrwyddo diogelwch tân
14.   Twristiaeth
15.   Bwyd
16.   Cynllunio gwlad a thref
17.   Iechyd a gwasanaethau iechyd
18.   Dŵr ac amddiffyn rhag llifogydd
19.   Priffyrdd a thrafnidiaeth
20.   Yr iaith Gymraeg

Yn wahanol i’r system cyn refferendwm  2011 nid oes rhaid i Gynulliad Cenedlaethol Cymru ofyn yn benodol i Lywodraeth y DU am bwerau pan fydd yn dymuno deddfu yn y meysydd hyn.

Eithriadau

Fodd bynnag mae nifer o eithriadau o fewn y meysydd hyn nad oes gan Gynulliad Cenedlaethol Cymru bwerau ynddynt i wneud deddfwriaeth.  Gwelir rhestr lawn o’r rhain yn Atodlen 7 o Ddeddf Llywodraeth Cymru , Ymhlith yr eithriadau sydd fwyaf perthnasol i blant a phobl ifanc, mae:

Nawdd cymdeithasol:

• Cymhorthdal plant
• Cronfeydd ymddiriedolaeth plant
• Credydau treth
• Budd-dâl plant a lwfans gwarcheidwaid
• Nawdd cymdeithasol
• Cronfeydd Byw yn Annibynnol
• Motability
• Mabwysiadu traws-wladol, ac eithrio asiantaethau mabwysiadu a’u swyddogaethau, a swyddogaethau’r "Awdurdod Canolog" o dan Gonfensiwn yr Hague ar Amddiffyn Plant a Chydweithrediad mewn perthynas â  Mabwysiadu Traws-wladol.
• Y Comisiynydd Plant (a sefydlwyd o dan ddeddf Plant 2004 (c. 31))
• Y gyfraith ac achosion teuluol, ac eithrio— Lles, cyngor i lysoedd, cynrychiolaeth a darparu gwybodaeth, cyngor a chefnogaeth arall i blant sydd fel arfer yn preswylio yng Nghymru a’u teuluoedd, a swyddogion achosion teuluol Cymreig

Addysg:

• Cynghorau Ymchwil

Diwylliant:

• Darlledu,
• Dosbarthiad ffilmiau, a recordiadau fideo
  

Iechyd:

• Erthylu
• Geneteg ddynol, ffrwythloni dynol, embryoleg ddynol, trefniadau benthyg croth
• Rheoleiddio gweithwyr proffesiynol iechyd
• Gwenwynau
• Camddefnyddio a masnachu cyffuriau
• Meddyginiaethau a chynhyrchiol meddyginiaethol dynol, gan gynnwys awdurdodiadau i ddefnyddio a rheoleiddio prisiau
• Bwydydd lles

Llywodraeth leol

• Trwyddedu gwerthu a chyflenwi alcohol, darparu adloniant a lluniaeth yn hwyr y nos
• Gorchmynion ymddygiad gwrthgymdeithasol

Yr Iaith Gymraeg

• Defnydd y Gymraeg mewn llysoedd

Datblygiad economaidd

• Safonau, diogelwch ac atebolrwydd cynhyrchion, ac eithrio mewn perthynas â bwyd (gan gynnwys pecynnau a deunyddiau eraill sy’n dod i gysylltiad â bwyd)