Mae tadau ieuainc yn parhau i fod yn grŵp neilltuol o heriol pan ddaw hi’n fater o gefnogi dynion yn eu rôl fel tad. Mae hyd yn oed sut ‘rydym yn diffinio’r dynion ieuainc hyn yn agored i ddadl, heb ddim diffiniad cyffredin. Mae rhai asiantaethau yn siarad am dadau yn eu harddegau, tra bod eraill yn cynnwys dynion ieuainc hyd at 25 mlwydd oed. Mae gan y Deyrnas Unedig yn gyffredinol, a Chymru yn neilltuol, un o’r cyfraddau beichiogrwydd uchaf ymysg genethod yn eu harddegau yn Ewrop.
Maent hefyd yn eithriadol o debygol o beidio â chael Cyfrifoldeb Rhieni. Mae oddeutu 20% o dadau di-briod ar hyn o bryd yn peidio â rhoi’u henwau ar dystysgrif geni’r plentyn, ac mae tadau ieuainc yn ffurfio’r mwyafrif llethol o’r grŵp hwn.
Er bod gwasanaethau arbenigol yn bodoli i gefnogi mamau yn eu harddegau, nid oes bron yr un ar gael ar gyfer tadau’u babanod.