Mae yna dystiolaeth bendant y gellir gosod cynsail pan fydd tadau yn cael eu hannog a’u cefnogi i fod yn llwyr gysylltiedig â bywyd eu plentyn yn gynnar, a bod ymgysylltiad wedyn yn parhau drwy gydol oes y plentyn.
Er bod tadau, ynghyd â dynion yn gyffredinol, yn aml iawn yn amharod i ymgysylltu â gweithwyr iechyd proffesiynol a gweithwyr proffesiynol eraill, yn ystod y cyfnod amenedigol y mae’r rhan fwyaf o ddarpar dadau mewn cysylltiad â gwasanaethau ac maent yn awyddus i wneud "y gorau" i’w baban newydd. Mae denu tadau i wasanaethau, sydd yn aml yn golygu’r her fwyaf, felly yn dod yn sylweddol haws yn ystod y cyfnod hwn.
Mae gan ymgysylltiad a chefnogaeth tadau effaith sylweddol ar y fam a’r baban, ill dau:
Mae perthynas dda gyda thad y baban, ac ymddygiad cefnogol ganddo, yn ffactor gwarcheidiol rhag iselder ôl-enedigol yn y fam.