Y mae’r Fforwm yn agored i bawb sydd naill ai ar hyn o bryd yn gweithio gyda thadau neu sy’n ystyried gweithio gyda thadau. Y mae’n bodoli i hyrwyddo ac i rannu ymarfer da yn y maes llawn her o ennyn diddordeb tadau.
Yr ydym yn gallu lledaenu ymchwil newydd fel y daw allan, ynghyd â darparu cysylltiadau i ffynonellau presennol o wybodaeth am weithio gyda thadau. Y mae’r Fforwm hefyd yn cynnig llwybr i’w aelodau i ymateb i unrhyw ymgynghoriadau a gynhelir ar hyn o bryd. Yr ydym wedi ymateb i’r Fframwaith Gwasanaeth Cenedlaethol, y Papur Gwyrdd ar Wahaniad Rhieni, a’r Cynllun Gweithredu ar Fagu Plant yng Nghymru.
Y mae cyfarfodydd yn galluogi aelodau i rannu gwybodaeth gydag eraill sy’n gweithio yn y maes yma yng Nghymru, yn ogystal â darparu llinell gyfathrebu uniongyrchol â mudiadau eraill megis Fforwm Tadolaeth y Deyrnas Gyfunol.
Y mae Tadolaeth Cymru yn gweithio mewn partneriaeth â Fathers Direct, ac y mae ganddynt gysylltiadau agos gyda’r Comisiwn Cydraddoldeb a Hawliau Dynol a Chomisiynydd Plant Cymru. Yr ydym yn cyfarfod o leiaf bedair gwaith y flwyddyn, gyda chyfarfodydd yn cylchdroi o amgylch Cymru gyfan (gweler digwyddiadau).
Am fwy o wybodaeth, cysylltwch â Tony Ivens, Ffôn: 029 2034 2434, Ebost: tony.ivens@childreninwales.org.uk