Y mae’r adran hon yn amlinellu’r gwaith y mae Plant yng Nghymru yn ei wneud yn gysylltiedig â Rhianta.

Y mae rhianta yn weithgaredd a wneir gan y sawl sy’n magu plant. Y mae hyn yn cynnwys mamau a thadau, gofalwyr maeth a rhieni mabwysiadol, llysrieni, a theidiau a neiniau. Y mae awdurdodau lleol hefyd yn gweithredu fel rhieni corfforaethol i blant a phobl ifanc dan eu gofal.

Mae Plant yng Nghymru yn credu mai rhianta da yw’r allwedd i ddeilliannau llwyddiannus i blant. Mae rhianta da neu rianta cadarnhaol yn golygu’r hyn sy’n barchus o fuddiannau gorau a hawliau’r plentyn, fel yr ynganir hwy gan yr CCUHP, yn ogystal ag ystyried anghenion ac adnoddau rhieni, tadau yn ogystal â mamau. Fe all cefnogaeth emosiynol; gwybodaeth amserol; gweithredu ataliol, ymarferol; a rhwydwaith o gymorth gyda rhianta a pherthnasoedd fod yn hanfodol gyda chynorthwyo rhai teuluoedd i ymdopi. Mae’r CCUHP ei hun yn cydnabod rôl allweddol rhieni - mae Erthygl 18 yn ymgorffori hawliau rhieni i dderbyn cefnogaeth, ac mae’n eu nodi hwy fel y bobl sydd â’r prif gyfrifoldeb am benderfyniadau sy’n ymwneud â’u plant.

Fe ddylai ymholiadau sy’n ymwneud â gwaith rhianta generig, Fforwm Magu Plant a Rhwydwaith y Cydgysylltwyr Rhianta gael eu cyfeirio at:

Lucy Akhtar
Swyddog Datblygu Rhianta
Ffôn: 029 2034 2434

Fe ddylai ymholiadau sy’n ymwneud yn benodol â thadau a Tadolaeth Cymru gael eu cyfeirio at:

Tony Ivens
Swyddog Datblygu Tadolaeth
Ffôn: 029 2034 2434

Mae Plant yng Nghymru yn cefnogi rhianta yng Nghymru mewn amryw o ffyrdd:

Cymorth i Weithwyr Proffesiynol
Mae Plant yng Nghymru yn cymorth gweithwyr proffesiynol ledled Cymru sy’n gweithio gyda rhieni mewn ystod gyfan o gyd-destunau yn y sectorau gwirfoddol, statudol a phreifat.  Mae tystiolaeth o’r Deyrnas Unedig a thramor yn dangos y gall gwaith effeithiol gyda rhieni wella deilliannau ar gyfer plant a’u teuluoedd.  ‘Rydym yn anelu at gymorth ymarferwyr i gyflawni gwell gwasanaethau cymorth rhianta o ansawdd drwy:                                                                             

• Darparu hyfforddiant i ystod o weithwyr proffesiynol
• Trefnu seminarau, cynadleddau a digwyddiadau eraill sy’n rhannu ymchwil, polisi ac arferion da
• Darparu gwybodaeth, cefnogaeth ac adnoddau ar gyfer y gweithlu rhianta
• Darparu cyfleoedd ar gyfer cyfnewid arfer a gwybodaeth drwy’n fforymau Rhianta
• Hyrwyddo ymagweddiadau rhianta cadarnhaol (rhianta sy’n barchus o fuddiannau gorau a hawliau plant, fel yr ynganir hwy gan yr CCUHP)
• Hyrwyddo ymagweddiad sy’n gynhwysol o dadau tuag at bolisi teuluol
• Hyrwyddo’r defnydd o’r Safonau Galwedigaethol Cenedlaethol ar gyfer Gweithio gyda Rhieni.

Fforymau Rhianta
Mae Plant yng Nghymru yn hwyluso tri fforwm rhianta, sy’n tynnu ymarferwyr ynghyd i rannu gwybodaeth, materion trafod a datrysiadau:

• Fforwm Magu Plant 
• Tadolaeth Cymru – Gwaith gyda Thadau 
• Rhwydwaith Cydgysylltwyr Rhianta

Gweithio gyda Llywodraeth Cynulliad Cymru
Mae Plant yng Nghymru yn gwneud defnydd o ymchwil a thystiolaeth i ddylanwadu ar bolisi ac i ymgyrchu dros yr amodau sy’n galluogi teuluoedd i ffynnu, yn unol â Chonfensiwn y Cenhedloedd Unedig ar Hawliau’r Plentyn. ‘Rydym yn gweithio gyda Llywodraeth Cynulliad Cymru i’w hysbysu hwy am brofiadau a barn ymarferwyr, a lleisiau teuluoedd eu hunain.

Gwybodaeth i Rieni
Mae’n gwefan yn cynnwys ystod o adnoddau am ddim ar gyfer rhieni, a manylion ffynonellau cymorth a gwybodaeth sydd ar gael mewn gwahanol ardaloedd o Gymru.

Bod yn daid a nain yng Nghymru
Mae Plant yng Nghymru yn cydnabod bod gan deidiau a neiniau rôl arwyddocaol mewn cymorth rhieni gyda magu’u plant.  Mae’r rôl bwysig sydd gan deidiau a neiniau mewn bywyd teuluol bron yn anweladwy mewn polisi teuluol yng Nghymru a’r Deyrnas Unedig.  Mae Plant yng Nghymru’n credu y dylai goblygiadau polisi’r rôl hon, sydd i raddau helaeth yn gadarnhaol, gael eu harchwilio a’u cefnogi, ac ‘rydym yn ymgysylltu â’r ddadl gyhoeddus i’r perwyl hynny.