Fe fydd y diwrnodau gwybodaeth yn gyfres o seminarau sy’n cynnwys cyflwyniadau yn ymwneud â thema gyffredin; er enghraifft, cyfranogiad plant anabl, a modd i blant a phobl ifanc anabl allu cyrchu gweithgareddau chwarae a hamdden. Fe wahoddir siaradwyr i ddangos enghreifftiau o arfer da ac ymchwil o bob cwr o’r Deyrnas Unedig, y gellir wedyn eu gweithredu yn lleol.
Am fwy o wybodaeth, cysylltwch â Catherine M. Lewis – Swyddog Datblygu Rhoi Plant yn Gyntaf (Plant Anabl), Ffôn: 029 2034 2434, E-bost: catherine.lewis@childreninwales.org.uk
Materion a drafodwyd mewn diwrnodau gwybodaeth blaenorol:
Mai 2010: "Pethau i’w gwneud a lleoedd i fynd!" – Mynediad i weithgareddau chwarae a hamdden yn y gymuned ar gyfer plant a phobl ifanc anabl
Mae plant a phobl ifanc anabl yn wastad yn nodi mai cael mynediad i’r un gweithgareddau chwarae a hamdden â phlant neu bobl ifanc nad ydynt yn anabl yw eu prif flaenoriaeth. Yn y seminar hwn, fe glywsom oddi wrth amrywiaeth o sefydliadau sy’n gobeithio cefnogi gwasanaethau i gynnwys plant a phobl ifanc anabl yn eu gweithgareddau.
Catherine Lewis, Plant yng Nghymru: Fe siaradodd Cath am oblygiadau’r Ddeddf Gwahaniaethu ar Sail Anabledd ar gyfer gwasanaethau plant, a sut y gellir ei defnyddio i gymorth y gwaith o gynnwys plant a phobl ifanc anabl mewn gweithgareddau cymunedol a hamdden.
Lindsay Brewis, Scope: Mae’r mudiad wedi cwblhau llawer o waith ar roi sylw i wella mynediad i weithgareddau chwarae a hamdden i blant anabl. Fe wnaethant amlygu’r cyhoeddiad "Gemau y gall pob plentyn eu chwarae o fag chwaraeon – dysgu gweithredol ar gyfer plant anabl a’u teuluoedd".
Julie Edwards, Swyddfa’r Comisiynydd Plant: Fe roddodd Julie gyflwyniad ar y canfyddiadau yn yr adroddiad "Dawn Ddedwydd", sef adroddiad yn edrych ar fynediad plant anabl i chwarae yng Nghymru 2007: adolygiad o strategaethau awdurdodau lleol.
Clebran: Mae Clebran (sgwrsio) yn grŵp sy’n darparu fforwm i bobl anabl ifanc wyntyllu’u barn. Fe’i cynhelir gan Barnardo's ar ran y Gwasanaeth Arbenigol Plant. Mae’r grŵp wedi nodi mynediad i weithgareddau hamdden fel un o’u prif faterion o bwys ers llawer o flynyddoedd, ac maent yn siomedig nad yw gwelliannau’n cael eu gwneud. Yn y cyflwyniad hwn, fe wnaethant nodi anawsterau maent yn eu hwynebu o ran cael mynediad i weithgareddau hamdden, ac fe wnaethant awgrymiadau ynglŷn â sut y gellir gwella hyn.