Am fwy o wybodaeth ynglŷn â'r Rhwydwaith, cysylltwch ag:

Anita Myfanwy

Doc Fictoria, Caernarfon, Gwynedd, LL55 1TH

Ffôn: 01286 677570

E-bost: Anita.Myfanwy@childreninwales.org.uk

Y Deyrnas Gyfunol yw’r pedwerydd economi mwyaf yn y byd ond ar y llaw arall y mae ganddi un o’r lefelau uchaf o dlodi ymysg plant o’r holl wledydd diwydiannol. Fe ddengys ffigurau diweddar fod 32 y cant o blant yng Nghymru yn byw mewn tlodi, sy’n uwch na’r cyfartaledd Prydeinig.

Mae Rhwydwaith Dileu Tlodi Plant Cymru yn glymblaid o gonsyrn sy’n canolbwyntio ar ddileu tlodi ymysg plant yng Nghymru, ac sy’n cael ei gydlynu a’i reoli o ddydd i ddydd gan Plant yng Nghymru. Mae’i grŵp llywio yn cynnwys cynrychiolaeth o bob cwr o’r sectorau gwirfoddol a statudol, ac mae gan y Rhwydwaith aelodaeth gefnogol gynyddol yn deillio o drawstoriad eang o asiantaethau.

Mae aelodau’r Grŵp Llywio yn cynnwys: Barnardo’s Cymru, Plant yng Nghymru, Achub y Plant Cymru, NEA Cymru, Gweithredu dros Blant, Cymdeithas Genedlaethol er Atal Creulondeb i Blant Cymru, (Sylwedyddion), Cyngor ar Bopeth, Iechyd Cyhoeddus Cymru, Oxfam Cymru, Shelter Cymru, Ymddiriedolaeth Frank Buttle, Fairbridge Cymru, a Llais Defnyddwyr Cymru. Mae Swyddfa Comisiynydd Plant Cymru, Cymdeithas Llywodraeth Leol Cymru, Uned Cefnogi Partneriaethau a TUC Cymru yn sylwedyddion.

Mae Rhwydwaith Dileu Tlodi Plant Cymru, sy’n weithredol ers 2001, yn cefnogi gweledigaeth y Llywodraeth na ddylai’r un plentyn yng Nghymru fod yn byw mewn tlodi erbyn 2020, ac mae’n gweithio i gyflawni hyn drwy:

• Gwell dealltwriaeth gyhoeddus a phroffesiynol o dlodi ymysg plant yng Nghymru;
• Cefnogaeth gyhoeddus a phroffesiynol ar gyfer mesurau i fynd i’r afael â thlodi ymysg plant;
• Sicrhau bod polisïau yn bodoli ar bob lefel o Lywodraeth (llywodraeth leol, y Cynulliad a San Steffan), sy’n cyfrannu i ddileu tlodi ymysg plant yng Nghymru. Mae'r Grwp Llywio yn cwrdd â'r Dirprwy Weinidog dros Blant a gyda Uned Polisi Llywodraeth y Cynulliad yn rheolaidd i drafod polisiau sydd yn mynd i'r afael â thlodi plant.

Wrth ymuno â'r Rhwydwaith byddwch yn derbyn e-bwletin misol am ddim.

Ein llwyddiannau

• Tlodi Plant seminarau, Monmouth Priory
• Wedi lobïo Llywodraeth Cynulliad Cymru yn llwyddiannus am strategaeth tlodi plant yng Nghymru;
• Wedi lobïo dros a chymeryd rhan yn y Grwp Gorchwyl Tlodi Plant;
• Wedi rhoi tystiolaeth i ymchwiliad y Pwyllgor Dethol ar Faterion Cymreig ynglyn â thlodi ymysg plant;
• Ymatebion i ymgynghoriadau gan Lywodraeth Cynulliad Cymru a Llywodraeth y Deyrnas Gyfunol