Mae Plant yng Nghymru wedi sefydlu Prosiect o’r enw Cynnwys Teuluoedd, i weithio gyda theuluoedd, sy’n ceisio lloches, ffoaduriaid a mudwyr, cymunedau a gweithwyr proffesiynol i amddiffyn a diogelu plant yn y teuluoedd hawdd eu niweidio hyn. Nod y Prosiect yw codi ymwybyddiaeth a dealltwriaeth o bwysigrwydd diogelu plant, trwy helpu teuluoedd i integreiddio’n well i gymunedau yng Nghymru. Mae hyn yn cynnwys hyrwyddo dulliau rhianta positif i wella rianta a chyfathrebu o fewn teuluoedd a chadw plant yn ddiogel yn eu hamgylchedd cartref.

Bydd y Prosiect yn adeiladu ar waith blaenorol a gynhaliwyd gan Plant yng Nghymru a Chyngor Ffoaduriaid Cymru gyda theuluoedd lloches a ffoaduriaid ac yn manteisio ar wersi profiad blaenorol o waith yn y maes hwn. Bydd hyn yn golygu cynyddu lefel dealltwriaeth, o fewn teuluoedd, o’u rôl hanfodol yn niogelwch, addysg, iechyd a datblygiad eu plant a’r gyfraith ac arferion amddiffyn plant yng Nghymru, fel egwyddorion ‘niwed arwyddocaol’. Gwneir hyn drwy waith allgymorth gyda grwpiau cymunedol ar ffurf sesiynau grŵp anffurfiol, gweithdai a seminarau a anelir at deuluoedd, RCOs a gweithwyr proffesiynol.

Bydd y Prosiect hefyd yn datblygu amrediad cynhwysfawr o adnoddau, gan gynnwys pecyn cymorth ar-lein ac adnoddau printiedig yn sail i’r gwaith ar ofalu am blant a’u hamddiffyn mewn teuluoedd sy’n ceisio lloches, ffoaduriaid a mudwyr.

Ariennir Cynnwys Teuluoedd gan y Gronfa Loteri Fawr. Am ragor o wybodaeth cysylltwch â:

Cheryl Martin, ffôn. 02920 342434, e-bost: cheryl.martin@plantinwales.org.uk

Dolenni defnyddiol:

Cyngor Ffoaduriaid Cymru: http://www.welshrefugeecouncil.org

Elusen annibynnol yw Cyngor Ffoaduriaid Cymru sy’n grymuso ffoaduriaid i ailadeiladu eu bywydau yng Nghymru. Mae ganddi swyddfeydd yng Nghaerdydd, Wrecsam, Abertawe a Chasnewydd.

Displaced People In Action (DPIA): http://displacedpeopleinaction.org

Corff gwirfoddol sy’n cefnogi ceiswyr lloches a ffoaduriaid, i’w cefnogi gydag integreiddio, addysg a hamdden.

Barnardos: http://www.barnardos.org.uk/>

Elusen flaenllaw sy’n cynnal nifer o brosiectau sy’n ceisio helpu’r plant a phobl ifanc haws eu niweidio i weddnewid eu bywydau a chyflawni eu potensial

Asiantaeth Ffiniau’r DU: http://www.ukba.homeoffice.gov.uk/

Mae Asiantaeth Ffiniau’r DU yn asiantaeth y Swyddfa Gartref. Mae’n gyfrifol am amddiffyn ffin y DU, ac mae’n un o’r asiantaethau mwyaf sy’n gorfodi’r gyfraith yn y DU.

Diogelu Plant: Gweithdrefnau a Phrotocolau

Gallwch lawrlwytho Protocolau a Gweithdrefnau Grŵp Adolygu Gweithdrefnau Amddiffyn Plant Cymru Gyfan o’r dudalen hon.

Diogelu Plant Rhag Cael eu Cam-Drin Mewn Cysylltiad â Chred Mewn Meddiant gan Ysbrydion

Dyma ddogfen ganllaw anstatudol Llywodraeth Cymru ar gyfer ymarferwyr.