Plant yng Nghymru sy’n hwyluso’r grŵp hwn, sy’n cynnwys cynrychiolwyr o amrywiaeth o sefydliadau a rhwydweithiau sy’n darparu gwasanaethau i blant ‘sy’n derbyn gofal’ ym maes iechyd. Y mae aelodaeth y grŵp hwn ar hyn o bryd yn cynnwys cynrychiolaeth oddi wrth:

• Grŵp Meddygol Cymdeithas Mabwysiadu a Maethu Prydain
• Fforwm Nyrsys Arbenigol i Blant sy’n Derbyn Gofal
• Rhwydwaith Ymadawyr â Gofal
• Cymdeithas Cyfarwyddwyr Gwasanaethau Cymdeithasol
• Cymdeithas Llywodraeth Leol Cymru
• Iechyd Cyhoeddus Cymru
• Byrddau Iechyd
• Lleisiau mewn Gofal
• Rhwydwaith Maethu
• Asiantaethau’r Sector Gwirfoddol

Diben y grŵp

Darparu fforwm i gefnogi datblygu polisi. Y mae aelodaeth o’r Grŵp hwn yn darparu cyfle i rannu ymarfer, profiad a gwybodaeth gyda’r nod cyffredinol o hyrwyddo a gwella iechyd plant sy’n derbyn gofal gan awdurdodau lleol a’r sawl sy’n ymadael â gofal.

Amcanion

• Hwyluso cyfnewid gwybodaeth ar draws sectorau – yn neilltuol rhwng iechyd, gofal cymdeithasol a’r sector anstatudol.
• Cydlynu ac adolygu ar sail Cymru gyfan, bolisi ac ymarfer cyfredol perthnasol, fel y mae’n effeithio ar iechyd plant sy’n derbyn gofal a’r sawl sy’n ymadael â gofal.
• Chwilio am gyfleoedd ar gyfer lobïo ar y cyd a/neu waith ymgyrch a rennir.
• Gwneud cysylltiadau gyda rhwydweithiau perthnasol eraill drwy Gymru gyfan.
• Darparu cyfle i rannu gwybodaeth, profiadau, gwybodaeth a syniadau.

Cysylltwch â Sean O'Neill, Cyfarwyddwr Polisi, Ffôn: 029 2034 2434.

Cefnogi a hyrwyddo anghenion Iechyd Plant sy’n Derbyn Gofal yng Nghymru

Mae Cyfnewidfa Iechyd Plant sy’n Derbyn Gofal, a gyd-drefnir gan Plant yng Nghymru, wedi rhyddhau’r Canllaw Arfer hwn sy’n cynnig trosolwg ymarferol a gweithredol ar gyfer unigolion a chyrff sydd â diddordeb brwd mewn cefnogi a hyrwyddo anghenion iechyd Plant sy’n Derbyn Gofal yng Nghymru.