Am fwy o wybodaeth ynglŷn â'r Rhwydwaith, cysylltwch ag:

Anita Myfanwy

Doc Fictoria, Caernarfon, Gwynedd, LL55 1TH

Ffôn: 01286 677570

E-bost: Anita.Myfanwy@childreninwales.org.uk

Y Deyrnas Gyfunol yw’r pedwerydd economi mwyaf yn y byd ond ar y llaw arall y mae ganddi un o’r lefelau uchaf o dlodi ymysg plant o’r holl wledydd diwydiannol. Fe ddengys ffigurau diweddar fod 32 y cant o blant yng Nghymru yn byw mewn tlodi, sy’n uwch na’r cyfartaledd Prydeinig.

Mae Rhwydwaith Dileu Tlodi Plant Cymru yn glymblaid o gonsyrn sy’n canolbwyntio ar ddileu tlodi ymysg plant yng Nghymru, ac sy’n cael ei gydlynu a’i reoli o ddydd i ddydd gan Plant yng Nghymru.

Mae’r grŵp llywio yn cynnwys cynrychiolaeth o’r sectorau gwirfoddol a statudol, ac mae gan y Rhwydwaith aelodaeth gefnogol gynyddol yn deillio o drawstoriad eang o asiantaethau.

Mae aelodau’r Grŵp Llywio yn cynnwys: Barnardo’s Cymru, Plant yng Nghymru, Achub y Plant Cymru, NEA Cymru, Gweithredu dros Blant, Cymdeithas Genedlaethol er Atal Creulondeb i Blant Cymru, Cyngor ar Bopeth, Iechyd Cyhoeddus Cymru, Oxfam Cymru, Shelter Cymru, Ymddiriedolaeth Frank Buttle, Fairbridge Cymru, a Llais Defnyddwyr Cymru. Mae Swyddfa Comisiynydd Plant Cymru, Cymdeithas Llywodraeth Leol Cymru, a TUC Cymru yn sylwedyddion.

Mae Rhwydwaith Dileu Tlodi Plant Cymru, sy’n weithredol ers 2001. Rydym wedi ymrwymo i gefnogi gweledigaeth y Llywodraeth na ddylai’r un plentyn yng Nghymru fyw mewn tlodi erbyn 2020.

Cynhelir cyfarfodydd rheolaidd rhwng y Grŵp Llywio â'r Dirprwy Weinidog dros Blant a gydag Uned Tlodi Plant, Llywodraeth Cynulliad Cymru, i drafod polisiau sydd yn ymwneud â thlodi plant.

Ceisiwn ddileu tlodi plant yng Nghymru wrth

• ymateb i ymgynghoriadau – gweler yr Adran ar Ymgynghoriadau
• gwella dealltwriaeth o dlodi ymysg plant yng Nghymru ymysg y cyhoedd a gweithwyr proffesiynol
• rhoi cefnogaeth gyhoeddus a phroffesiynol ar gyfer mesurau i fynd i’r afael â thlodi ymysg plant;
• sicrhau bod polisïau yn bodoli ar bob lefel o Lywodraeth (llywodraeth leol, y Cynulliad a San Steffan), sy’n cyfrannu at ddileu tlodi ymysg plant yng Nghymru.

Wrth ymuno â'r Rhwydwaith byddwch yn derbyn e-bwletin misol am ddim.Ein llwyddiannau

• Seminarau Tlodi Plant
• Wedi lobïo Llywodraeth Cynulliad Cymru yn llwyddiannus am strategaeth tlodi plant yng Nghymru;
• Wedi lobïo dros a chymryd rhan yn y Grŵp Gorchwyl Tlodi Plant;
• Wedi rhoi tystiolaeth i ymchwiliad Pwyllgor Plant a Phobl Ifanc a Phwyllgor Dethol ar Faterion Cymreig ynglŷn â thlodi ymysg plant;
• Ymateb i ymgynghoriadau Llywodraeth Cynulliad Cymru a Llywodraeth y Deyrnas Unedig