Cafodd Confensiwn y Cenhedloedd Unedig ar Hawliau Pobl gydag Anableddau ei gadarnhau gan y Deyrnas Unedig ym Mehefin 2009. Diben y Confensiwn yw hyrwyddo, diogelu a sicrhau bod pob person gydag anabledd yn mwynhau eu holl hawliau dynol a rhyddid sylfaenol yn llawn a chyfartal ac i hyrwyddo parch am eu hurddas cynhenid. Mae hyn yn nodi newid sylfaenol mewn agweddau ac ymagweddau at bobl gydag anableddau ym mhob rhan o’r byd.

Bydd yr hyfforddiant yn ymchwilio sut y medrir defnyddio’r Confensiwn yma, Confensiwn y Cenhedloedd Unedig ar Hawliau’r Plentyn a dogfennau eraill i hyrwyddo hawliau plant anabl i gael yr un mynediad i gyfleoedd bob dydd y mae plant heb fod yn anabl yn eu cymryd yn ganiataol.

Mae Plant yng Nghymru yn gyd-noddwr yn y prosiect Cyrraedd y Nod, gan gefnogi pobl ifanc i ennill sgiliau ar gyfer dysgu a chyflogaeth drwy brofiad gwaith a chyfleoedd wedi’u lleoli yn y gymuned.

Mae’r hyfforddiant hwn wedi’i ddatblygu a’i gyllido drwy Gronfa Gydgyfeirio Cronfa Gymdeithasol Ewrop, ac mae lleoedd yn rhad ac am ddim ond yn gyfyngedig i ymarferwyr sy’n gweithio’n gyfan gwbl neu’n bennaf mewn ardaloedd Cydgyfeirio Cronfa Gymdeithasol Ewrop (Ynys Môn, Conwy, Sir Ddinbych, Gwynedd, Ceredigion, Sir Gaerfyrddin, Sir Benfro, Abertawe, Castell Nedd Port Talbot, Pen-y-bont ar Ogwr, Rhondda Cynon Taf, Merthyr Tudful, Blaenau Gwent, Caerffili, Torfaen).  Fe all fod yna gyrsiau cyffelyb ar gael ar gyfer y sawl sy’n gweithio mewn rhanbarthau eraill o Gymru.  A fyddech cystal â chysylltu â Plant yng Nghymru am fanylion.  

Am fwy o wynbodaeth, cysylltwch Plany yng Nghymru 029 2034 2434