Y mae’r gynhadledd undydd hon wedi’i threfnu i ddarparu ffocws cenedlaethol i lunwyr polisi ac ymarferwyr sy’n gweithio gyda rhieni a theuluoedd i archwilio’r perthnasoedd rhwng tadau a’u plant.

Y mae’r gynhadledd yn rhoi lle i brif gyflwyniad gan Sue Palmer, awdur y llyfr sydd â mynd mawr arno, Toxic Childhood: how modern life is damaging our children. Y mae’i llyfr yn crynhoi canfyddiadau ymchwil ynglŷn â sut y mae dylanwadau diwylliannol wedi effeithio ar arferion magu plant, ac y mae’n trafod goblygiadau’r canfyddiadau hyn ar gyfer datblygiad plant.

Fe fydd y gynhadledd hefyd yn darparu llwyfan ar gyfer lansiad cenedlaethol Tyfu i Fyny Gyda Dad: Tadau a’u heffaith ar y defnydd o Sylweddau ac yn datgelu dadansoddiad o’r canlyniadau o holiadur, a gynhaliwyd gan Catch 22 ac a gwblhawyd gan 17,933 o bobl ifanc, i ganfod faint y mae perthynas personau ieuainc gyda’u tad yn effeithio ar eu lefel o ddefnyddio alcohol, ysmygu a chymryd cyffuriau. 

Fe fydd y rhaglen yn cynnwys ystod o ragor o brif gyflwyniadau a dewis o weithdai, ac fe fydd yn darparu cyfleoedd i gynrychiolwyr drafod a rhwydweithio.

Pwy ddylai fynychu

Gweithwyr proffesiynol sy’n gweithio gyda rhieni a theuluoedd a staff eraill o’r sector statudol a gwirfoddol, yn cynnwys y defnydd o sylweddau, iechyd a gofal cymdeithasol.  Fe fydd y gynhadledd hefyd o ddiddordeb i weithwyr proffesiynol sy’n gweithio yn y sector addysg, yn cynnwys athrawon a seicolegwyr addysgol.

Ffioedd Cynrychiolwyr

Plant yng Nghymru – Aelodau £80.00 Nad ydynt yn aelodau £100.00